پاسپورټ لوی رییس مولوی عبدالکریم حسیب د دولت د رسنیو په مرکز کې ویلي چې تر دې وروسته به تر کوره د پاسپورټ رسونې چوپړونه پیل شي.
د ښاغلي حسیب په وینا، له افغان پوسټ امارتي شرکت سره د هوکړې پر بنسټ، تر کوره د پاسپورټ رسولو چوپړونه لومړی د سوداګرۍ وزارت غوښتونکو ته وړاندې شوي او په نږدې راتلونکې کې به دغه لړۍ ټول هېواد ته وغځېږي.
د پاسپورټ لوی رییس وړاندې ویلي، د بانکي تعرفو برخه کې د اسانتیاوو رامنځته کولو لپاره، د افغانستان بانک ترڅنګ په نورو بانکونو کې هم د تعرفو تحویلولو لپاره هڅې شوي او کارونه یې په وروستي پړاو کې دي، چې ډېر ژر به په دې برخه کې هم درنو هېوادوالو ته زیاتې اسانتیاوې برابرې شي.