په افغانستان کې د اروپایي ټولنې سفیرې ویرونیکا د کډوالو او راستنېدونکو چارو د وزارت له سرپرست خلیل الرحمن حقاني سره د نوموړي د کار په دفتر کې کتلي دي.
دې ناسته کې په پاکستان او ایران کې د کډوالو پر ستونزو، د جرمني او نورو اروپایي هېوادونو لخوا د کډوالو د جبري ویستلو، یا نورو هېوادونو ته د لېږدولو، د کورني بېځایه شوو پر ځای پر ځای کېدنه او نورو موضوعاتو خبرې وشوې.
ښاغلي حقاني د کډوالو په برخه کې د اروپایي ټولنې له مرستو مننه وکړه او زیاته یې کړه، چې د دوی په نوم کېدونکې مرستې خپله کډوالو ته ورکړئ او دا مرسته باید په بنسټیزو چارو ولګول شي. دواړو لوریو پر یوه ګډو میکانیزم رامنځته کولو هم ټینګار وکړ.