له نشهيې توکو سره د کورنيو چارو وزارت د مبارزې معينيت په کابل ښار کې د څه باندې ۱۰۰ تنو سوالګرو د راټولولو خبر ورکړی.
د ياد وزارت وياند مفتي عبدالمتين قانع ويلي، چې له نشهيې توکو سره د کورنيو چارو وزارت د مبارزې معينيت د سوالګرو د راټولولو د کمپاين په لړ کې له کابل ښار څخه ۱۰۵ تنه راټول کړي دي.
د نوموړي په خبره، چې دغه راټول شوي کسان د ثبت په موخه اړوندو ادارو ته سپارل شوي دي. د ويلو ده، چې ياد وزارت تر دې وړاندې هم د کابل په ګډون د هېواد په ټولو ولایتونو کې ورته کمپاين پيل کړی و، چې په پايله کې يې په سلګونه تنه سوالګر ثبت او اړمنو کسانو ته يې مياشتنی “لګښت” ټاکلی و.