مالیې وزارت خبر ورکړی چې د هرات ولایت د اسلامکلا په سرحدي ګمرک کې شاوخوا ۱۰۰ ټنه قاچاقي او کمکیفیته تېل د اړوندو ادارو د استازو په شتون کې له منځه وړل شوي دي.
د دغه وزارت د خبرپاڼې له مخې چې په دغو تېلو کې ډیل او پټرول شامل وو او د محکمې د حکم پر بنسټ له منځه وړل شوي دي.
په خبرپاڼه کې ویل شوي: “دا تېل په بېلابېلو وختونو کې د قاچاقبرو په پټه افغانستان ته راوړي وو چې د ګمرکي مسوولینو له لوري تر نیولکېدو او له لابراتواري معاینې وروسته یې د له منځهوړلو پرېکړه شوې ده.”
مالیې وزارت همداراز ټینګار کړی چې د هیواد په ګمرکونو کې ټول سوداګریز توکي په دقیق ډول کتل کېږي او هېچاته اجازه نه ورکول کېږي، چې بېکیفیته او ممنوعه توکي وارد او یا هم صادر کړي.