قرار است رقابت‌های بین‌المللی بزکشی با میزبانی قزاقستان و با حضور افغانستان در سال‌جاری میلادی برگزار شود.
رییسان فدراسیون‌های بزکشی کشورهای آسیای مرکزی روز گذشته (دوشنبه، ۱۶ دلو) در یک نشست مجازی باهم در این مورد گفت‌وگو کرده‌اند.
در این نشست تصمیم گرفته شده است تا رقابت‌های بین‌المللی بزکشی به میزبانی قزاقستان و با حضور کشورهای مختلف جهان برگزار شود.
بربنیاد این تصمیم رقابت‌های بین‌المللی بزکشی قرار است در ماه سپتامبر سال‌جاری میلادی در کشور قزاقستان، برگزار شود.
انتظار می‌رود در این رقابت‌ها در هماهنگی ریاست عمومی تربیت و ورزش کشور، یک تیم مقتدر و ملی از افغانستان برای حضور در رقابت‌های یادشده، راهی قزاقستان شود.
رقابت‌های ملی بزکشی در پنج سال اخیر و در چارچوب لیگ در کشور برگزار می‌شود.