وزارت ارشاد، حج و اوقاف می‌گوید، هیات ده نفره از عالمان دین به رهبری مولوی نور محمد ثاقب، سرپرست این وزارت به اوزبیکستان، سفر کرد.
این هیات امروز (شنبه، ۲۶ حوت) کابل را به مقصد تاشکند، ترک کرده است.
بربنیاد معلومات وزارت ارشاد، حج و اوقاف، این هیات عالی‌رتبه به دعوت رسمی مفتی شیخ نورالدین خالق، رییس اداره مسلمانان اوزبیکستان، راهی این کشور شده است.
تقویت روابط، آموزش علوم دینی، گسترش همکاری‌های دو جانبه از اهداف سفر عالی‌رتبه عالمان دین افغانستان به اوزبیکستان گفته شده است.
گفت‌وگو با عالمان دین در شهرهای تاشکند، ثمرقند و بخارا و دیدار از مراکز اسلامی اوزبیکستان در برنامه سفر این هیات عالمان دین کشور، گفته شده است.
هرچند اوزبیکستان در دونیم سال گذشته روابط گسترده‌ای در حوزه‌های سیاسی و اقتصادی با افغانستان داشته است، اما این نخستین سفر عالمان دین کشور به تاشکند گفته شده است.