مقام‌های قونسلگری افعانستان در ایالت سند پاکستان می‌گویند، پس از حاکمیت امارت اسلامی در کشور ۴ هزار و ۲۲۸ تن از شهروندان افغان از زندان‌های این کشور، آزاد شده‌اند.
عبدالجبار تخاری، قونسل افغانستان در شهر کراچی پاکستان در یک نوار دیداری این مطلب را بیان کرده است.
به گفته آقای تخاری به تازه‌گی ۲۳ تن از شهروندان افغان به‌شمول زنان و کودکان از زندان‌های ایالت سند، آزاد شده‌اند.
قونسل افغانستان در شهر کراچی تاکید کرده که در میان بیش از چهار هزار زندانی آزاد شده، زنان و کودکان نیز شامل‌اند.
او تاکید کرده که این تعداد زندانیان افغان در نتیجه تلاش‌های دیپلماتیک از زندان‌های پاکستان، آزاد شده‌اند.
به گفته عبدالجبار تخاری، در حال حاضر نیز ۴۰ شهروند افغان در زندان‌های ایالت سند پاکستان بسر می‌برند که تلاش‌ها به هدف رهایی آنان ادامه دارد.
گفتنی‌است که تلاش‌های دیپلماتان امارت اسلامی برای حل مشکلات شهروندان افغان در پاکستان، جریان دارد.