وزارت معارف می‌گوید، شیخ حبیب‌الله آغا و شیخ ندا محمد ندیم، سرپرست‌وزیران معارف و تحصیلات عالی در ادامه سفرشان به شهر کازان روسیه، با نمایندگان محصلان افغان مقیم این شهر، دیدار کرده‌اند.
این وزارت با نشر خبرنامه‌ای امروز (دوشنبه، ۲۱ جوزا) از دیدار آقای حبیب‌الله آغا و آقای ندیم با نمایندگان محصلان افغان خبر داده است.
بربنیاد خبرنامه، نمایندگان دیدار کننده مشکلات‌شان از جمله در بخش‌های مالی، ویزه و نداشتن نماینده رسمی با این دو مقام امارت اسلامی شریک کرده‌اند.
در خبرنامه به نقل از سرپرست وزارت معارف آمده که ضمن تشویق محصلان، از آنان خواسته که در هر زمان و مکان متعهد به دین، وطن و جامعه‌ای خویش باشند.
شیخ حبیب‌الله آغا اطمینان داده که در هماهنگی با وزارت تحصیلات عالی و سفارت افغانستان مقیم روسیه، به مشکلات آنان رسیدگی خواهد شد.
گفتنی‌است که سرپرست وزیران معارف و تحصیلات عالی به هدف اشتراک در نشست بین‌المللی معارف و تحصیلات عالی که از سوی روسیه با حضور کشورهای مختلف برگزار شده به این کشور سفر کرده‌اند
دیدار سرپرست وزیران معارف و تحصیلات عالی با نمایندگان محصلان افغان مقیم شهر کازان
