معاونیت اقتصادی رییس‌الوزرا می‌گوید، سنگ تهداب شهرک رهایشی برای سیلاب‌زدگان ولایت غور از سوی ملا عبدالغنی برادر آخوند، در این ولایت گذاشته شده است.
معاونیت اقتصادی رییس‌الوزرا با نشر خبرنامه‌ای امروز (یک‌شنبه، ۲۷ جوزا) از آغاز کار ساخت این شهرک خبر داده است.
بربنیاد خبرنامه، قرار است در این شهرک رهایشی برای ۲۰۰ فامیل سیلاب‌زده سرپناه ساخته شود.
ملا عبدالغنی برادر آخوند، معاون اقتصادی رییس‌الوزرا حین گذاشتن سنگ تهداب این شهرک رهایشی گفته که امارت اسلامی همواره به فکر شهروندان کشور بوده تا از هر جهتی خدمات برای آنان فراهم گردد.
قرار است در شهرک رهایشی برای سیلاب‌زدگان غور، سهولت‌های از جمله ۲۰۰ منزل مسکونی، مسجد، مرکز صحی، مکتب، مدرسه، شبکه آب‌رسانی وبرق نیز مهیا گردد.
گفتنی‌است که روز گذشته معاون اقتصادی رییس‌الوزرا در سفر به ولسوالی چهارصده ولایت غور، با خانواده‌های سیلاب‌زده در این ولایت نیز دیدار کرد
سنگ تهداب شهرک رهایشی سیلاب‌زدگان غور توسط ملا عبدالغنی برادر آخوند گذاشته شد
