وزارت تحصیلات عالی می‌گوید، شیخ ندا محمد ندیم، سرپرست این وزارت به ولایت کاپیسا سفر کرده است.
حافظ ضیاالله هاشمی، سخنگوی وزارت تحصیلات عالی با نشر خبرنامه‌ای از سفر آقای ندیم به ولایت کاپیسا خبر داده است.
به گفته آقای هاشمی، شیخ ندا محمد ندیم در این سفر شماری از پروژه‌های انکشافی از جمله دیوار استنادی پوهنتون البیرونی به طول ۲ هزار و ۶۰۰ متر را به ارزش ۱۸ میلیون افغانی افتتاح و به بهره‌برداری سپرد.
آقای هاشمی افزوده که سرپرست وزارت تحصیلات عالی در نشستی با حضور مسوولان محلی ولایت کاپیسا اشتراک و سخنرانی کرده است.
شیخ ندا محمد ندیم در این نشست تاکید کرده که وزارت تحصلات عالی در تلاش است تا زمینه تحصیلات عالی به جوانان را تا مقاطع ماستری و دکتورا در کشور فراهم کند.
در خبرنامه آمده که آقای ندیم در نشست جداگانه‌ای با محصلین پوهنتون البیرونی مشکلات و خواست‌های آنان را استماع کرد. گفتنی‌است که تلاش‌های وزارت تحصیلات عالی پروژه‌های متعدد انکشافی را در پوهنتون پروژه‌های ولایات مختلف کشور تحت کار دارد.