وزارت فواید عامه می‌گوید، مولوی محمد اسحق صاحبزاده، معین خط‌آهن این وزارت و هیات همراهش با مسوولین شرکت ریلی سوگدیانای اوزبیکستان دیدار کرده‌اند.
این وزارت امروز (چهارشنبه، ۲۱ قوس) با نشر خبرنامه‌ای از دیدار این هیات با مسوولین شرکت ریلی اوزبیکستان خبر داده است. به گفته وزارت فواید عامه، در این دیدار در مورد تراکم واگن‌های ریلی، فعال نگهداشتن خطوط آهن، استفاده کامل از ظرفیت استیشن‌ها و سرعت در تخلیه و بارگیری واگن‌ها، گفت‌وگو شده است.