وزارت تحصیلات عالی می‌گوید، عالیقدر امیرالمؤمنین حفظه‌الله ایجاد پوهنځی طب را در چوکات پوهنتون ولایت بدخشان منظور کرد.
حافظ ضیاء‌الله هاشمی، سخنگوی وزارت تحصیلات عالی امروز (سه‌شنبه، ۱۸ جدی) از منظوری این پوهنځی با نشر خبربرنامه‌ای خبر داده است.
بربنیاد خبرنامه، منظوری پوهنځی طب به هدف انکشاف معیاری تحصلات عالی طبی به‌گونه اختصاصی و ویژه از سوی رهبر امارت اسلامی صورت گرفته است.
سخنگوی وزارت تحصیلات عالی تاکید کرده که این نخستین‌بار است که پوهنځی یادشده در چوکات پوهنتون بدخشان ایجاد می‌شود.
توسعه خدمات صحی و ایجاد سهولت‌های بیشتر در این بخش، از اهداف دیگر منظوری پوهنځی طب در پوهنتون ولایت بدخشان گفته شده است. بدخشان در شمال‌شرق کشور از ولایت‌های کوهستانی است که دارای ۲۸ واحد اداری می‌باشد.