وزارت صحت عامه می‌گوید، کشور هندوستان چهار هزار و هشت‌صد دوز واکسین امراض مختلف را به افغانستان کمک کرده است.
این وزارت با نشر خبرنامه‌ای از این کمک طبی کشور هند خبر داده است.
به گفته وزارت صحت عامه، واکسین‌های کمک‌شده بخاطر جلوگیری از امراض “سگ دیوانه گزیدگی، تیتانوس، زردی سیاه و انفلونزا” تطبیق می‌شود.
وزارت صحت عامه می‌افزاید که با تطبیق این مقدار دوز واکسین کمک شده، جان هزاران تن در کشور نجات خواهد یافت.
در خبرنامه وزارت صحت عامه از این کمک کشور هند، تشکر کرده است. هند از کشورهای پهناور آسیایی است که نه تنها رشد بخش‌های اقتصادی بلکه بخش طبابت در آن نیز سیر صعودی را دارد تجربه می‌کند.