هیاتی به رهبری ملا عبدالغنی برادر آخوند، معاون اقتصادی رییس‌الوزرا عازم جمهوری تاتارستان روسیه شده است.
معاونیت اقتصادی رییس‌الوزرا امروز (چهارشنبه، ۲۴ ثور) با نشر خبرنامه‌ای از عزیمت این هیات خبر داده است.
بربنیاد خبرنامه، هدف از سفر هیات یادشده، اشتراک در شانزدهمین نشست سالانه فورم اقتصادی کازان روسیه گفته شده که در جمهوری تاتارستان این کشور برگزار شده است.
قرار است در حاشیه نشست کازان، هیات افغانستان با مقام‌های شماری از کشورها نیز دیدارهای دوجانبه داشته باشد. روز گذشته نیز به هدف آمادگی هیات افغانستان برای اشتراک در نشست کازان، جلسه به رهبری معاون اقتصادی رییس‌الوزرا در ارگ برگزار شد.