مقام‌های ا.ا. افغانستان تایید کردند که نماز عید سعید قربان به امامت عالیقدر امیرالمؤمنین حفظه‌الله در ولایت کندهار برگزار شد.
مولوی ذبیح‌الله مجاهد، سخنگوی ا.ا. افغانستان امروز (شنبه، ۱۷ جوزا) در بیانیه‌ای در ایکس از برگزاری نماز عید سعید قربان خبر داده است.
به گفته آقای مجاهد، رهبر ا.ا. افغانستان نماز عید را با اشتراک هزاران تن در مسجد جامع عید شهر کندهار اداء کرده است.
بربنیاد معلومات خبرنگار محلی رادیو امید، نماز عید علاوه از عیدگاه شهر کندهار در ولسوالی‌های این ولایت نیز در فضای امن و امنیت برگزار شده است.
خبرنگاران رادیو امید از ولایت‌های غزنی و خوست نیز گزارش می‌دهند که باشندگان این ولایت‌ها نماز عید را در فضای کاملا امنیت، اداء کرده‌اند.