خلیفه سراج‌الدین حقانی، سرپرست وزارت امور داخله به ولایت کاپیسا در شمال کابل سفر کرده است.
سفر آقای حقانی به ولایت کاپیسا امروز (چهارشنبه، ۴ سرطان) صورت گرفته است.
سرپرست وزارت امور داخله در این سفر با اشتراک در یک گردهمایی مردمی سخنرانی نیز کرده است.
بربنیاد معلومات نشرشده از این نشست، خلیفه سراج‌الدین حقانی قربانی‌های جانی و مالی باشندگان ولایت کاپیسا در دوران اشغال را تقدیر کرده است.
دیدار با مقام‌های محلی ولایت کاپیسا، بخشی از سفر آقای حقانی را تشکیل می‌داده است.
سرپرست وزارت امور داخله پیش از این نیز در سفر به شماری از ولایت‌های کشور با اقشار مختلف مردم دیدار کرده است.