وزارت صحت عامه می‌گوید، اتحادیه اروپا هفت میلیون یورو به ریاست صحت عامه ولایت خوست کمک کرده است.
این وزارت امروز (پنج‌شنبه، ۹ اسد) با نشر خبرنامه‌ای از این کمک اتحادیه اروپا به صحت عامه ولایت خوست خبر داده است.
بربنیاد خبرنامه، ویرونیکا بوسکوویچ پوهار، شارژدافیر اتحادیه اروپا هدف این کمک را تقویت خدمات لابراتواری و جلوگیری از بیماری‌های ساری، عنوان کرده است.
شارژدافیر اتحادیه اروپا از ادامه این کمک‌ها در آینده نیز اطمینان داده است.
او همچنان گفته که اتحادیه اروپا به کمک‌هایش به مهاجرین برگشته افغان نیز ادامه خواهد داد.
عبدالقیوم روحانی، والی خوست از این کمک اتحادیه اروپا به ریاست صحت عامه این ولایت قدردانی کرده است.
آقای روحانی افزوده، در حال حاضر مردم افغانستان بیشتر از هرزمان دیگر به این کمک‌ها ضرورت دارند. این در حالی است که پیش از این اتحادیه اروپا ده‌ها تُن ادویه، تجهیزات و سامان‌آلات صحی را نیز به افغانستان کمک کرده است.