امام‌علی رحمان، رییس جمهور تاجیکستان می‌گوید، کشورش خواهان رشد اقتصادی و اجتماعی در افغانستان است.
آقای رحمان که (سه‌شنبه‌شب، ۱ میزان) در نشست مجمع عمومی سازمان ملل متحد سخن می‌گفت، این سخنان را بیان کرد.
رییس جمهور تاجیکستان افزود که دوشنبه حاضر است تا در راستای رشد اقتصادی و اجتماعی افغانستان همکاری‌های لازم داشته باشد.
رحمان تاکید کرده که تاجیکستان طرفدار تامین صلح‌وثبات و امنیت کامل در همسایگی‌اش (افغانستان) است.
او افزود: جامعه بین‌المللی را به رسانیدن کمک‌های بشردوستانه خصوصاً به منطقه‌های کوهستانی و آسیب‌دیده از زلزله‌زده دعوت می‌نماییم.
هرچند افغانستان در چهارمین سال پیهم از داشتن نماینده در نشست مجمع عمومی سازمان ملل متحد محروم بوده است، اما بخشی از بیاینه شماری از رهبران کشورهای جهان از جمله آسیای میانه به آن اختصاص یافته بود.
امام‌علی رحمان در سازمان ملل: خواهان رشد اقتصادی و اجتماعی افغانستان هستیم
