وزارت صحت عامه به تازگی آمار تازه‌ای از شمار قربانیان زلزله ۶.۳ ریشتری در شماری از ولایت‌های کشور خبر داده است.
داکتر شرافت زمان امرخیل، سخنگوی وزارت صحت عامه از افزایش شمار قربانیان امروز (دوشنبه، ۱۲ عقرب) با نشر خبرنامه‌ای خبر داده است.
به گفته سخنگوی وزارت صحت عامه کشور، شمار جان باخته‌گان به بیش از ۲۰ تن و زخمی‌شده‌ها به ۵۳۴ تن افزایش یافته است.
او اما تاکید کرده که شماری از زخمی‌شده‌های سطحی به شفاخانه‌های خصوصی منتقل شده‌اند.
آقای امرخیل تصریح کرده که به شفاخانه‌های نزدیک ساحات زلزله‌زده دستور آمادگی داده شده است.
این مقام وزارت صحت عامه همچنان گفته که عملیات جستجو و نجات در ساحات زلزله‌زده ادامه دارد.
این در حالی است که پیش از این وزارت صحت عامه شمار جان باخته‌گان را بیش از ۲۰ تن و زخمی شده‌ها را ۳۲۰ تن اعلام کرده بود.
افزایش شمار قربانیان زمین‌لرزه در شمال؛ بیش از ۲۰ شهید و ۵۳۴ زخمی
