وزارت تحصیلات عالی از برگزاری امتحان سالانه مدرسه‌های دینی با حضور ۵۰ هزار طالب‌العلم در سراسر کشور، خبر داده است.
این وزارت گفته که امتحان یادشده ساعت ۸:۰۰ صبح امروز (شنبه، ۳۰ جدی) در همه ولایت‌ها به‌گونه هماهنگ برگزار می‌شود.
به گفته وزارت تحصیلات عالی این امتحان به‌گونه مشترک با وزارت معارف کشور، برگزار می‌شود.
وزارت تحصیلات عالی افزوده که این امتحان در سطوح عالیه، عالمیه و خامسه برگزار خواهد شد.
قرار است در این امتحان شاگران مدرسه‌های دینی امارتی و خصوصی، اشتراک کنند.
گفتنی‌است که پس از حاکمیت امارت اسلامی در کشور، علاقه‌مندی‌ها به آموزش‌های دینی در مدارس کشور، افزایش یافته است.