مقام‌های محلی ولایت خوست می‌گویند، کارمندان مستوفیت این ولایت حتی در رخصتی نیز به وظیفه حاضر اند.
مستغفر گربز، سخنگوی والی خوست این مطلب را امروز (جمعه، ۱ حمل) بیان کرده است.
به گفته سخنگوی والی خوست، هدف از حضور کارمندان مستوفیت این ولایت در روز جمعه به محل وظیفه، اجرا معاشات کارمندان دولتی است.
وزارت مالیه چند روز پیش از اجرای معاشات کارمندان دولتی در هفته‌جاری خبر داد.
به نظر می‌رسد کارمندان ولایتی این وزارت به هدف تحقق این وعده وزارت مالیه، روز جمعه را نیز در وظیفه سپری کرده‌اند. بربنیاد تقویم کار در کشور، روزهای جمعه، کارمندان ادارات دولتی و غیردولتی از وظیفه رخصت هستند.