بربنیاد اعلام مقام‌های محلی ولایت نیمروز، ۱۹۹ تن از شهروندان افغان که در ایران زندانی بودند، به تازه‌گی به کشور انتقال داده شده‌اند.
دفتر مطبوعاتی مقام ولایت نیمروز امروز (جمعه، ۲۹ حمل) با نشر خبرنامه‌ای از انتقال این تعداد شهروندان افغان از ایران به کشور خبر داده است.
بربنیاد خبرنامه، این تعداد شهروندان افغان از طریق گذرگاه مرزی “پل‌ابریشم” در ولایت نیمروز به کشور منتقل شده و با مقام‌های امارت اسلامی در این ولایت تحویل داده شده‌اند.
رییس عمومی اداره امور زندان‌ها می‌گوید، این شهروندان افغان در نتیجه مذاکرات بر سر تحویل‌دهی زندانیان افغان به کشور منتقل شده‌اند.
به گفته او، قرار است زندانیان یادشده با انتقال به ولایت اصلی‌شان معیاد باقیمانده حبس خود را سپری خواهند کرد. گفتنی‌است که دو شهروند ایران نیز به‌عنوان حسن نیت شام گذشته از افغانستان به کشورشان انتقال داده شده‌اند.