مقام‌های محلی ولایت هرات می‌گویند، نماز عید سعید قربان در سراسر این ولایت در یک فضای امن و امنیت برگزار شده است.
دفتر مطبوعاتی مقام ولایت هرات امروز (شنبه، ۱۷ جوزا) با نشر خبرنامه‌ای از برگزاری نماز عید سعید قربان در این ولایت خبر داده است.
بربنیاد خبرنامه، شیخ مولانا اسلام‌جار، والی هرات در خطبه نماز عید، پیام عالیقدر امیرالمؤمنین حفظه‌الله به مناسبت عید سعید قربان را برای باشندگان این ولایت ارایه کرده است.
در خبرنامه آمده است: مسوولان محلی ولایت هرات در حالی که در روزها و شب‌های عید اطمینان از تامین امنیت مردم می‌دهند، از همکاری شهروندان با نیروهای امنیتی در تامین امنیت قدردانی کردند.
هرات از ولایت‌های مهم، راهبردی و یکی از بزرگ شهرهای کشور بوده که در غرب افغانستان واقع شده است.
این در حالی است نماز عید سعید قربان صبح امروز در سراسر کشور در عیدگاه‌ها، برگزار شده است.