رسانه‌های مستقر در امریکا به نقل از وزارت انرژی تاجیکستان گزارش داده‌اند که امارت اسلامی تمامی مقروضیت‌های برق اداره پیشین از تاجیکستان را برای این کشور، پرداخت کرده است.
یور آسیا نیت، رسانه مستقل مستقر در پوهنتون کلمبیا (دوشنبه‌شب، ۱۶ دلو) در گزارشی از تکمیلی مقروضیت‌های برق افغانستان، گزارش داده است.
در گزارش آمده است، هرچند که پرداخت مقروضیت‌ها به یک‌باره‌گی صورت نگرفته اما همه قروض افغانستان در بخش انرژی برق به تاجیکستان، پرداخت شده است.
در گزارش هم‌چنان آمده است که افغانستان در سال ۲۰۲۳ به ارزش ۱۱۰.۴ میلیون دالر از تاجیکستان، برق وارد کرده است.
گفتنی‌است که پس از حاکمیت امارت اسلامی روند پرداخت مقروضیت‌های اداره پیشین به سایر شرکت‌های قراردادی داخلی نیز جریان دارد.