یو شیاویونگ و عصمت‌الله ایرگاشف، نمایندگان ویژه چین و اوزبیکستان در امور افغانستان باهم دیدار و گفت‌وگو کرده‌اند.
آقای یو شیاویونگ، از این دیدار (چهارشنبه‌شب، ۱۹ سنبله) در صفحه‌ای ایکس خبر داده است.
نماینده ویژه چین در امور افغانستان گفته که در دیدار با همتای اوزبیکستانی‌اش به افزایش همکاری‌ها در راستای کمک به بازسازی افغانستان تاکید صورت گرفته است.
بربنیاد معلومات نشر شده، این دیدار در شهر تاشکند، پایتخت اوزبیکستان انجام شده است.
نماینده ویژه چین در امور افغانستان دیدارش با عصمت‌الله ایرگاشف را «خوب» توصیف کرده است. چین و اوزبیکستان دو کشور همسایه افغانستان هستند که در بیشتر از ۴ سال حاکمیت دوباره ا.ا. روابط گسترده سیاسی، اقتصادی و تجاری با کابل داشته‌اند.