تیم ملی فوتسال افغانستان در نخستین دیدار بازی‌های همبستگی کشورهای اسلامی تیم تاجیکستان را شکست داد.
این دیدار امروز (سه‌شنبه، ۱۳ عقرب) در شهر ریاض، پایتخت عربستان سعودی برگزار شد.
فوتسال‌بازان افغان موفق‌شدند در یک روی‌کرد تاریخی تیم ملی فوتسال تاجیکستان را با نتیجه پُرگول ۹ مقابل ۵ شکست دهند.
این نخستین‌بار است در بازی‌های فوتسال که افغانستان موفق می‌شود تا تاجیکستان را شکست دهد.
شاگردان مجید مرتضایی، سرمربی تیم ملی فوتسال افغانستان در این دیدار بازی تماشایی از خود به نمایش گذاشتند.
تیم فوتسال افغانستان در مرحله گروهی مسابقات همبستگی کشورهای اسلامی با تیم‌های ایران، تاجیکستان و مراکش هم‌گروه است. قرار است دومین دیدار تیم ملی فوتسال افغانستان در مسابقات یادشده روز پنج‌شنبه برابر ایران برگزار شود.