ملا نورالله نوری، وزیر سرحدات، اقوام و قبایل در دیدار با هیات بلندپایه حکومت تاجیکستان گفته که تثبیت سرحد مشترک میان افغانستان و تاجیکستان نقش مهمی در ثبات و امنیت دو کشور خواهد داشت.
وزارت سرحدات، اقوام و قبایل امروز (دوشنبه، ۲۶ عقرب) از دیدار آقای نوری با هیات جمهوری تاجیکستان خبر داده است.
بربنیاد خبرنامه، دو طرف در این دیدار در مورد امنیت، گسترش روابط، مشکلات سرحدی و تثبیت سرحد مشترک گفت‌وگو کرده‌اند.
وزیر سرحدات، اقوام و قبایل گفته: جای خوشی است که افغانستان و تاجیکستان در زمین روابط گام‌های مثبت برداشته‌اند. ا.ا. افغانستان تلاش می‌کند با تمام کشورهای جهان روابط اقتصادی، سیاسی و دوستانه برقرار کند و ا.ا. در جلوگیری از قاچاق مواد مخدر و قاچاق انسان به‌طور جدی عمل می‌کند.
در همین حال، میرزا زاده عبدالواحد، معاون اول نیروهای سرحدی کمیته دولتی امنیت تاجیکستان و رییس هیات این کشور گفته که مردم افغانستان و تاجیکستان مشترکات زبانی، دینی و فرهنگی داشته و خواهان امنیت هستند.
آقای عبدالواحد افزوده که تاجیکستان متعهد به بهبود و گسترش روابط در ابعاد مختلف بخصوص در بخش اقتصادی و سایر همکاری‌ها با افغانستان است.
او ابراز امیدواری کرده که افغانستان و تاجیکستان بتوانند مشکلات در امتداد سرحد مشترک میان دو کشور را از راه تفاهم و گفت‌وگو حل کنند.
هیات بلندپایه جمهوری تاجیکستان که از دو روز به این‌سو به کابل سفر کرده، پیش از این با مولوی امیرخان متقی، وزیر امور خارجه کشور نیز دیدار و گفت‌وگو کرده است.
ملا نورالله نوری: تثبیت سرحد مشترک افغانستان و تاجیکستان متضمن ثبات و امنی
