مسوولان محلی قوماندانی امنیه ولایت بدخشان میگویند، سه تن از قاچاقبران موا مخدر توسط نیروهای مرزی تاجیکستان کشته شدهاند.
دفتر رسانههای قوماندانی امنیه ولایت بدخشان امروز (دوشنبه، ۲۹ جدی) با نشر خبرنامهای از کشته شدن این تعداد از قاچاقبران مواد مخدر خبر داده است.
به گفته پولیس ولایت بدخشان، افراد کشتهشده باشندهگان ولسوالی «خواهان» این ولایت بوده و دو شب قبل از سوی مرزبانان تاجیکستان هدف قرار گرفتهاند.
در خبرنامه آمده که این افراد پس از شناسایی از سوی نیروهای مرزی تاجیکستان با این نیروها درگیر شده و در نتیجه تبادل آتش، کشته شدهاند.
پولیس ولایت بدخشان افزوده که اجساد افراد کشتهشده به نیروهای سرحدی افغانستان تسلیم داده شده است.
این در حالی است که در ماههای اخیر درگیری میان مرزبانان تاجیکستانی، افراد مسلح و قاچاقبران مواد مخدر افزایش یافته است.
کشته شدن سه قاچاقبر مواد مخدر توسط نیروهای مرزی کشور تاجیکستان
