نورالدین عزیزی، سرپرست وزارت صنعت و تجارت کشور می‌گوید، از تولیدات کالاهای افغانستان در نمایشگاه افغان – ترکمن در ترکمنستان، استقبال گسترده صورت گرفته است.
آقای عزیزی این مطلب را امروز (پنج‌شنبه، ۱۷ حوت) بیان کرده است.
بربنیاد معلومات آقای عزیزی، در نمایشگاه افغان-ترکمن تولیدات افغانستان در بخش‌های آهن‌آلات، سنگ‌های قیمتی از جمله مرمر و رنگ توجه بازدیدکنندگان ترکمنی را بیشتر به خود جلب کرده است.
سرپرست وزارت صنعت و تجارت تاکید کرده که تاجران اشتراک کننده افغان در نمایشگاه یادشده، قراردادهای زیادی را نیز به‌دست آورده‌اند.
گفتنی‌است که در نتیجه تلاش وزارت‌های امور خارجه، صنعت و تجار، برای نخستین‌بار در ۳۰ سال اخیر، نمایشگاه تولیدات کالاهای افغانی زیر نام افغان-ترکمن، در عشق‌آباد ترکمنستان، برگزار شده است.