احمد شاکر رسولی آمر بررسی‌های هوانوردی، به نمایندگی از وزارت ترانسپورت و هوانوردی افغانستان، در نشست هفتهٔ امنیت سال ۲۰۲۶ سازمان بین‌المللی هوانوردی ملکی (ایکاو) در آستانه، پایتخت قزاقستان، اشتراک کرده است.
وزارت ترانسپورت و هوانوردی افغانستان اعلام کرده است که در این نشست دربارهٔ امنیت هوانوردی، گسترش همکاری‌های بین‌المللی، تبادل تجربه‌ها و تطبیق معیارهای بین‌المللی امنیت بحث می‌شود.
به گفتهٔ این وزارت، اشتراک نمایندهٔ افغانستان در این نشست نشان‌دهندهٔ تعهد این کشور به تقویت نظارت بر امنیت هوانوردی، گسترش همکاری با نهادهای بین‌المللی و تطبیق معیارهای بین‌المللی در این بخش است.