پربیننده‌ ترین‌ها

آغاز صادرات کچالوی بامیان به اوزبیکستان؛ نخستین محموله به مقصد ترمذ حرکت کرد

اتاق تجارت و سرمایه گذاری افغانستان می‌گوید، با ابتکار و همکاری مشترک اتاق تجارت و سرمایه گذاری افغانستان و اتاق تجارت اوزبیکستان، زمینهٔ صادرات کشت آزمایشی کچالو ولایت بامیان به بازار اوزبیکستان فراهم گردید.

 در خبرنامه این اتاق آمده است که افغانستان و اوزبیکستان، بر صادرات یک صد هزار تن کچالوی بامیان به اوزبیکستان توافق کردند.

 منبع می‌افزاید که نخستین محموله کچالو شامل هشت موتر از مسیر بندر حیرتان به مقصد ترمذ اوزبیکستان حرکت کرد.

در خبرنامه آمده است که اتاق‌های تجارت دو کشور با همکاری مقام‌های دو طرف، ارتباط میان تاجران و دهقانان را تسهیل کرده و در هماهنگی برای خریداری، بازاریابی و انتقال محصول نقش داشته‌اند.

خبر های مرتبط