وزارت صحت عامه میگوید، از روز جهانی بیماری هیپاتیت از سوی این وزارت طی مراسمی در کابل تجلیل بعمل آمده است.
این مراسم امروز (یکشنبه، ۷ اسد) در مقر وزارت صحت عامه با حضور مقامهای این وزارت و مسوولان صحی نهادهای داخلی و خارجی برگزار شد.
به گفته وزارت صحت عامه، امسال از روز جهانی بیماری هیپاتیت تحت شعار “همین حالا وقت عمل است” تجلیل بعمل آمده است.
مولوی عبدالولی حقانی، معین عرضه خدمات صحی وزارت صحت در این مراسم گفته که بربنیاد تخمینها در ده سال گذشته حدود ۱۰۰ هزار تن در افغانستان به بیماری هیپاتیت مبتلا شدهاند.
آقای حقانی افزوده که با این وجود شمار مبتلایان به هیپاتیت نسبت به کشورهای دیگر در افغانستان کم است.
معین عرضه خدمات صحی وزارت صحت عامه کشور گفته که در حال حاضر در ۱۴ ولایت کشور مراکز تشخیص بیماری یادشده، وجود دارد. هیپاتیت یک نوع بیماری التهاب شدن گرده را میگویند که به انواع هیپاتیت بی و هیپاتیت سی شناخته میشود.