مولوی حبیب‌الله آغا، سرپرست وزارت معارف در ادامه سفرهای ولایتی‌اش این بار به ولایت غزنی، سفر کرد.
وزارت معارف امروز (پنج‌شنبه، ۱۷ عقرب) از سفر آقای حبیب‌الله آغا به ولایت غزنی، خبر داده است.
به گفته وزارت معارف، مولوی حبیب‌الله آغا پس از ورود به مرکز ولایت غزنی با مسوولان ریاست معارف این ولایت دیدار کرده است.
سرپرست وزارت معارف پس از استعماع گزارش فعالیت‌های ریاست معارف غزنی، تلاش‌ها آنان را ستایش کرده است.
وزارت معارف افزوده که سرپرست این وزارت در ادامه سفرش به ولایت غزنی به ولسوالی قره‌باغ این ولایت رفته و از برخی مدارس و دارالایتام‌ها دیدن کرده است.
او در دیدارها از رسیدگی به مشکلات و خواست‌های طالب‌العلمان مدارس و کودکان یتیم دارالایتام‌ها اطمینان داده است. این در حالی است که سرپرست وزارت معارف کشور پیش از این نیز به هدف بررسی وضعیت تعلیمی به ولایت‌های مختلف کشور سفر کرده است.