سازمان جهانی مهاجرت از پاکستان خواسته تا مهاجران افغان را نباید بدون در نظر گرفتن میکانیزم های حقوقی اخراج کند.
مسوول رسانه‌های سازمان جهانی مهاجرت در افغانستان میگوید، که مهاجران افغان در پاکستان نباید بدون عبور از مراحل قانونی بیرون کرده شوند. این درحالیست که سازمان جهانی عفو بین‌الملل نیز از پاکستان خواسته تا براساس قوانین بین‌المللی به تعهداتش عمل کند و مهاجران بازداشت شده افغان را هرچه زودتر آزاد نماید.