رویټرز خبر ورکړی چې نړیوال بانک له افغانستان سره د ۳۰۰ میلیونو ډالرو مرسته اعلان کړې ده.
ویل کیږي چې دغه پیسې د نړیوال بانک اړوند د نړیوالې پراختیایي ټولنې له خوا ورکول کیږي.
ویل شوي چې دا پیسې به د ملګرو ملتونو له لارې په افغانستان کې ولګول شي.
د اسلامي امارت تر بیاواکمنېدو وروسته نړیوال بانک د لومړي ځل لپاره افغانستان ته پیسې ځانګړې کوي.
بل پلو نړیوالې رسنۍ وایي چې د نړیوال بانک اجرایوي بورډ د افغانستان د ملاتړ په اړه نوې کړنلاره تصویب کړې ده.
ویل کیږي چې ددغې کړنلارې له مخې یاد بانک د خپلې نړیوالې پراختیایي ټولنې له صندوق څخه افغانستان ته ۳۰۰ میلیونه ډالر ځانګړي کړي دي.