اطلاعاتو او کلتور وزارت وایي چې هڅه کوي، د پکتیا ولایت د ځاځي اریوب ولسوالۍ په سپینې شګې تفریحي سیمه کې د سیلانیانو لپاره په بنسټیز ډول یو هوټل ورغوي.
چارواکي وايي چې تر دې دمه یې په دغه سیمه کې د هوټل جوړونې نقشه پلې کړې او ټاکل شوې چې عملي چارې به یې په نږدې راتلونکي کې پیل شي.
د مسوولینو په اند، په دغه سیمه کې د یوه اساسي هوټل جوړېدل اړین دي چې په رغېدو سره به یې سیلانیانو ته ګڼې اسانتیاوې رامنځته شي.