ایران د ډرون او توغندیو په مټ د اسرائیلو پر پلازمېنې او ګڼو سیمو پراخ بریدونه کړي دي.
اسرائیلي پوځ ویلي ایران تر ۲۰۰ زیات توغندي پر اسرائیلو توغولي او لسګونه بې پیلوټه الوتکې یې د اسرائیلو پر فضا ګرځي.
ویل کیږي چې دا برید بېګاه ناوخته پیل شوی او څو ساعته یې په بر کې ونیول. اسرائیل ددغو بریدونه زیانونه لږ ښیي خو په هغو ویډیوګانو کې چې په خواله رسنیو کې لاس په لاس کیږي؛ ویجاړۍ یې زیاتې دي.
د يادونې وړ ده چې ایران د اسرائیلو د هغه برید په غبرګون چې د سوریې دمشق کې یې د ایران کونسلګري په نښه او د سپاه پاسداران لوړپوړي قومندانان یې پکې ووژل؛ ترسره کړی.
.