د غزني ځایي مسوولین وایي چې د دغه ولایت د ګرمابه چک ډېم کاسه له اوبو ډکه شوې ده.
د غزني ولایت په ده یک ولسوالۍ کې د ګرمابه چکډم کاسه تېر کال د اوبو او انرژۍ وزارت له لوري جوړه شوې وه چې کاسه یې اوسنیو اورښتونو ډکه کړې ده.
د غزني سیندیزې فرعي حوزې تخنیکي ټیم د سیمې اوسیدونکو ته ددغې چک ډېم د ساتنې اړوند اړینې لارښوونې کړي دي.
د یادونې وړ ده، چې نوموړي چک ډېم د غزني ولایت د ده یک ولسوالۍ په تاسن کلي کې د موسمي سېلابونو مخه هم نیولې ده. بل پلو، د افغانستان د برېښنا د لوی بند، نغلو کاسه هم د لومړي ځل لپاره له اوبو ډکه شوې. برېښنا شرکت وایي چې برېښنا بندکاسو کې د اوبو زیاتېدو برېښنا هم زیاته کړې ده
اورښتونو د غزني ګرمابه چک ډېم کاسه ډکه کړې
