راپورونه وایي چې د ایران په اصفهان، تبرېز او ځینو نورو ښارونو کې د چاودنو غږونه اورېدل شوي دي.
ویل کیږي چې اسراییلو د ایران پر ځینو ښارونو توغندیز بریدونه کړي. اسراییل وایي چې د توغندیزو بریدونو په تړاو یې واشنګټن خبر کړی و، خو بل خوا واشنګټن وایي چې له اسراییلو سره یې په دې برید کې برخه نه ده اخیستې.
اېن. بي. اېس. تلویزیوني چینل ته امریکایي چارواکو ویلي چې امریکا پر ایران د اسراییلو د برید پلوي نه کوي. ویل کیږي چې دغه برید نن سهار شاواخوا څلور نیمې (جمعه، وري ۳۱مه) شوی دی.
په دغو چاودنو سره د ایران د ځینو ښارونو الوتنې لغوه شوي.
ددغه چاودنو د ځاني او مالي زیان په اړه لا نور مالومات نه دي ورکړل شوي
د ایران ځینو ښارونو کې د چاودنو غږونه؛ اسراییلو پر ایران برید کړی
