د ریاست الوزرا اقتصادي معاونیت نن په خپل اېکس په مرمرینه ماڼۍ کې د اقتصادي کمیسیون د غونډې خبر ورکړی دی. په دې غونډه کې د کورنیو کرنیزو او مالدارۍ محصولاتو څخه د ګټې اخیستنې کړنلاره او د کان کیندنې په پروژو کې د کورنیو تولیداتو څخه د ګټې اخیستنې پر پالیسیو بحث وشو. د یادو موضوعاتو تر ارزونې وروسته پرېکړه وشوه چې د موضوعاتو د لا بډاینې په موخه دې په دې مسودو کې د صنعت او سوداګرۍ، اقتصاد او مالیې وزارتونه او د سټنډرډ ملي ادارې غړي زیات شي او د نظر اخیستلو لپاره دې تدارکاتو ریاست ته ولېږل شي. د ویلو ده چې د اقتصادي کمیسیون تخنیکي کمېټه وخت ناوخت د ریاست الوزرا د اقتصادي مرستیال ملا عبدالغني برادر په مشرۍ دایریږي چې پر لویو اقتصادي پروژو پکې پرېکړې کیږي.
د حقیقت پر لور دریڅه
سایټ مهم لینکونه
امید راډیو په ټولنیزو پاڼو کې
ددې ویب سایټ ټول مادي او معنوي حقوق په امید راډیو پورې اړه لري