د میدان وردګو په مرکزي زندان کې د ۶ لوبډلو ترمنځ د والیبال تشویقي سیالۍ چمتو شوې.
دا لوبې د میدان وردګو ولایت د بدني روزنې او ورزش آمریت او د زندان د ښوونې او روزنې آمریت په ګډې همکارۍ چمتو شوې وې.
ددغو سیالیو لومړۍ لوبه د بندیانو او نظامي پرسونل ترمنځ وشوه چې بندیانو سیالې لوبډلې ته د ۲-۰ میدانونو په توپیر ماتې ورکړه.
دا سیالۍ د بندیانو د سالمې روغتیا او تفریح په موخه پر کار اچول شوي دي.