د کرکټ ملي لوبډلې مخکښ لوبغاړي راشد خان په خپلې رسمي فېسبوک پاڼې په بغلان ولایت کې د وروستیو سیلابونو له زیانمنوشویو کورنیو سره د يونيم ميليون افغانۍ مرستې خبر ورکړی.
راشد خان لیکي: پر دغو مرستو سربېره به د هغوی خیریه بنسټ له لوري هره ورځ پر ۱۰۰۰ سیلاب ځپلیو د ١٥ ورځو لپاره پاخه شوي خواړه هم وویشل شي.
خان په ټولو شتمنو هیوادوالو او مرسته کونکو بنسټونو غږ کړی چې له اړمنو سیلاب ځپلو سره په دې سخت وخت کې خپلو مرستو ته دوام ورکړي ترڅو اړمن خلک له بد وضعیت څخه وژغورل شي.
له بل لوري د کوزې پښتونخوا سوداګر او د پېښور زلمي لوبډلې مشر جاوید افریدي هم په افغانستان کې له وروستیو سېلابځپلو سره د لس میلیونه کالدارو مرسته اعلان کړې