د غزې په جنوب رفح ښارګوټي کې د صهیونستانو په تازه بمباریو کې ۳۵ تنه بې ګناه فلسطینیان په شهادت رسېدلي دي.
بل خوا صهیونستان ادعا کوي چې دا برید یې د تل السلطان په سیمې کې کړی چې د لوېدیځې غاړې لپاره د حماس لوی درستیز او د دې ډلې یو بل جګپوړی چارواکی پکې وژل شوي دي.
د غزې روغتیایي مسوولین وایي چې صهیونستانو د پناه اخیستونکو خیمې په نښه کړي دي.
د مسوولینو په اند چې په دې پېښه کې لسګونه نور ژوبل هم دي.
د یادونې وړ ده چې صهیونستانو په رفح کې پراخې ټولوژنې ته مخه کړې ده او په یاد ښارګوټي کې یې بېخناوې په بلډوزرونو اړولي.