د پاکستان کراچۍ ښار کې د تېرو دریو ورځو په لړ کې سختې ګرمۍ د ۳۶ تنو ژوند اخیستی دی.
ایکسپرېس ټربیون ورځپاڼې لیکلي چې په دې ښار کې ګرمي اوج ته رسېدلې چې د برېښنا پرچاوي هم کله کله ان تر لسو ساعتونو پورې رسیږي.
دا مړي د کراچۍ په بېلابېلو برخو کې موندل شوي چې د ځینو هویت لا هم روښانه نه دی.
دا په داسې حال کې ده چې پاکستان په دې وروستیو کې ښوونځي هم رخصت کړي او خلکو ته یې له کوره د نه وتلو خبرداری ورکړی و.
د راپورونو له مخې کراچۍ کې په دې وروستیو کې د تودوخې درجه تر ۵۰ درجو رسېدلې ده. کراچۍ د پاکستان لوېدیځ ته پروت ګڼ نفوسه ښار دی چې د یاد هېواد د نورو ښارونو په پرتله ګرم بلل کیږي.