افغان کرکټ ملي لوبډلې په نیمه پایلوبه کې له سویلي افریقا په نهو ویکټو ماتې ومنله او له روان ۲۰ وریز نړیوال جام ووتله.
دا لوبه د افغانستان او سویلي افریقا ترمنځ نن سهار پینځه بجې(پنجشنبه، چنګاښ اوومه) په برېن لارا کرکټ لوبغالي کې ترسره شوه.
افغان لوبډلمشر راشدخان د لوبې پچه وګټله او خپله یې د توپوهنې پرېکړه وکړه. افغان لوبغاړو ژرـژر خپلې ویکټې له لاسه ورکړې او د ټولو لوبغاړو په سوځېدو یې ۵۶ منډې جوړې کړې.
په ځوابي لوبه کې سویلي افریقا د یوه لوبغاړي په سوځېدو یاد هدف په نهم اور کې ترلاسه کړ.
افغان کرکټ ملي لوبډله د اسټرالیا او بنګله دېش په ماتولو وتوانېده چې د لومړي ځل لپاره نیمه پایلوبې ته لاره ومومي.
د یادونې وړ ده چې د انګلستان او هندوستان ترمنځ به د نیمه پایلوبې بله لوبه به هم بنن ترسره شي.