د کابل په نړیوال کرکټ لوبغالي کې نن(شنبه، وږي درېیمه) د شپږېزې پایلوبه ترسره کیږي.
په نننۍ لوبه کې به د بند امیر ښاماران او امو نهنګان لوبډلې له یو بل سره مخ شي.
امو نهنګان، بند امیر ښاماران، بست ساتونکي، سپین غر زمریان او مس عینک د سږنۍ شپږېزې لوبېدونکې لوبډلې وې.
بند امیر ښاماران او امو نهنګان لوبډلې د لومړي ځل لپاره تر پایلوبې رسیږي.
د یادونې وړ ده چې شپږېزې سیالۍ یوولس کاله وړاندې پیل شوې چې سږ کال یې نهم پړاو و. ددې سیالیو موخه د ځوانو استعدادونو موندنه ده.