د خوست د صبریو ولسوالۍ په ابوخېلو کلي کې د اوبو رسولو د یوې شبکې په جوړېدو سره ۳۰۰ کورنیو ته د څښاک پاکې اوبه چمتو شوې.
د یاد ولایت د کلیو بیارغونې او پراختیا رییس مولوي عنایت الرحمن جلالي د دې شبکې د ګټې اخیستنې په مراسمو کې ویلي، له دې شبکې د ۹۵ نل لیکو په مټ ۷۳۰۰ متره پایپ غځول شوی، چې ۳۰۰ کورنیو ته یې پاکې اوبه چمتو کړي. د یادونې وړ ده، چې د یادې شبکې په جوړېدو سره د سیمې لسګونو کسانو ته د کار زمینه هم برابره شوې ده.