د چاپېریال ساتنې ملي ادارې عمومي رییس مولوي مطیع الحق خالص ننګرهار ولایت ته په خپل سفر کې د دې ولایت یوې لیري پرتې ولسوالۍ “دره نور” ته تللی او هلته یې د دې ولسوالۍ له مسوولینو او ولسونو سره کتلي دي.
ښاغلي خالص د دې ولسوالۍ له ولسونو سره په جوړه شوې غونډه کې د “دره نور” ولسوالۍ د چاپېریالي ارزښت؛ ساتل شوو سیمو، طبیعي ځنګلونو، وحشي ژوو او الوتونکو د ارزښت، ساتنې او ښکار د مخنيوي په اړه هر اړخیزه وینا کړې ده.
د دره نور ولسوالۍ مسوولینو او قومي مشرانو د چاپېریال ساتنې ملي ادارې مشر ته ښه راغلاست ویلی او د خپلې ولسوالۍ ستونزې او غوښتنې یې د دې ادارې سره شریکې کړي دي.
د هېواد چاپیریال او اقلیم ته د پاملرنې په لړ کې؛ د ننګرهار د یوې لیري پرتې ولسوالۍ ارزونه
