له نشهيي توکو سره د هلمند ولايت امنيه قوماندنۍ د مبارزې مسوولينو د دې ولايت په باغران ولسوالۍ کې د زرګونه کيلو ګرامه بېلابېل ډوله نشهيي توکو د کشف او له منځه وړلو خبر ورکړی دی.
د يادې قوماندانۍ وياند ملا عزتالله حقاني ویلي، چې د امنيتي ځواکونو د يو شمېر عملياتو په پايله کې ۲ زره ۹۵۰ کيلو ګرامه سود، ۱ زر ۱۱۰ کيلو ګرامه چينه او ۴۲۰ لېټره ايکسيل کيمياوي مواد تر نيول کيدو وروسته له منځه وړل شوي دي.
د يادونې وړ ده، له نشه يي توکو سره د ياد ولايت د مبارزې مسوولينو له دې وړاندې هم په باغران او يو شمېر نورو ولسواليو کې دې ته ورته نشهيي توکي کشف او له منځه وړي دي.