برلپسې بریاوې؛ افغان ابدالیانو بنګله دېش هم په ګونډو کړ

افغان ابدالیانو کرکټ ملي لوبډلې له یوې په زړه پورې لوبې وروسته د صدیق الله اتل د زړورې توپوهنې په مټ بنګله دېش هم مات کړ.
افغان لوبډلې تر دې دمخه سریلنکایۍ الف لوبډله ماته کړې وه.
افغان لوبډلمشر دروېش رسولي د لوبې پچه وګټله او خپله یې د توپ اچونې پرېکړه وکړه. بنګله دېش د ۴ لوبغاړو په زیان ۱۶۵ منډې جوړې او افغان ابدالیانو ته یې د ۱۶۶ منډو هدف وټاکه.
افغان ابدالیانو یاد هدف په شلم اور کې پوره او لوبه یې په خپل نوم کړه.
افغان ابدالیان د دوو ګټو په مټ د وړاندې تګ پوره چانس لري.